Eriksen ndërpret kontratën me klubin gjerman

Christian Eriksen ka mbyllur para kohe bashkëpunimin me Wolfsburgun, me klubin dhe futbollistin danez që kanë rënë dakord për ndërprerjen e kontratës që skadonte në vitin 2027.

Vendimi vjen pas rikthimit të problemeve kardiake të Eriksenit gjatë një ndeshjeje mes Danimarkës dhe Ukrainës në qershor. Futbollisti, i cili prej gjashtë vitesh jeton me një defibrilator në zemër, u rrëzua në fushë, por arriti të largohej vetë nga loja.

Ai iu bashkua Wolfsburgut një vit më parë si lojtar i lirë. Në periudhën e tij me klubin gjerman, Eriksen zhvilloi 34 ndeshje në Bundesligë, Kupën e Gjermanisë dhe “play-off”-in e mbijetesës, duke shënuar 3 gola dhe dhënë 10 asistime.