Franca përballë krizës së borxhit/ 3.6 trilionë euro borxh dhe interesa që afrohen te 100 miliardë, sfida e madhe para zgjedhjeve të 2027

Franca po përballet me një situatë të vështirë financiare në prag të zgjedhjeve presidenciale të vitit 2027. Borxhi publik ka arritur në 3.595 trilionë euro në fund të qershorit, duke kapur rreth 119% të PBB-së, niveli më i lartë që nga viti 1946. Presioni po rritet edhe për shkak të kostos së huamarrjes. Rendimenti i obligacionit francez 10-vjeçar është ngjitur në rreth 4.7-4.8%, ndërsa kostoja e shërbimit të borxhit pritet të arrijë në 91 miliardë euro në vitin 2027 dhe mund të kalojë 100 miliardë euro në vitin 2028.

Ministria franceze e Financave parashikon që borxhi të arrijë në 119.3% të PBB-së në fund të vitit 2026 dhe 121.7% në vitin 2027. Ndërkohë, rritja ekonomike pritet të mbetet e dobët, ndërsa deficiti buxhetor mund të arrijë në 5.7% të PBB-së vitin e ardhshëm. Për të frenuar deficitin, qeveria po kërkon rreth 54 miliardë euro masa fiskale, përmes kufizimit të shpenzimeve, ndërhyrjeve në pensione dhe shkurtimeve në administratën publike. Këto masa kanë shkaktuar kundërshtime nga nëpunësit civilë, studentët dhe sindikatat.

Problemi ekonomik pritet të jetë një nga çështjet kryesore në zgjedhjet presidenciale të vitit 2027, në një kohë kur Franca po hyn në një tranzicion politik pas përfundimit të mandatit të Emmanuel Macron. Presidenti i ardhshëm do të përballet me sfidën e uljes së deficitit dhe stabilizimit.

Harroni emra dhe fjalë? Kur është normale dhe kur mund të jetë shenjë e Alzheimerit

Vallja e Osman Takës bëhet pjesë e Trashëgimisë Kulturore Jomateriale të Shqipërisë

Laura Pausini zbulon bestytninë e saj më të madhe: Gjithçka nisi më 9 janar