Vllaznia prezanton trajnerin e ri

Vetëm pak orë pasi ndau rrugët me Edi Martinin, Vllaznia ka zyrtarizuar trajnerin e ri.

Bëhet fjalë për hungarezin 62-vjeçar Kshaba Lazlo. Me një karrierë 20-vjeçare dhe eksperiencë në disa skuadra të ndryshme të Europës dhe në krye të stolit të Hungarisë, Lazlo vjen në Shkodër me misionin për ta rikthyer tek rezultatet pozitive.

Kuqeblutë besojnë se Lazlo është i duhuri për të rikthyer ekuilibrat në skuadër dhe kanë dashur të përfitojnë nga ndalesa për Nations League në mënyrë që hungarezi të ketë mundësi të punojë disa ditë me skuadrën.