Anila Hetoja u rikthye në Shkodër me nje ekspozitë personale që përmbledh punën e saj gati tre vjeçare. Bukuritë e natyrës dhe silueta femërore kan shërbyer si frymëzim për artisten.

Punën 3 vjeçare e ka konkretizuar me një ekspozitë të veçantë pikture, ku 85 punime pas Tiranës, u prezantuan në Galerinë e Arteve Shkodër.

Artistja Anila Hetoja erdhi në qytetin e saj të lindjes për të sjellë bukuritë e natyres dhe siluetën femërore në gjuhën e pikturës.

Një qasje dhe stil ndryshe nga ekspozitat e mëparshme, ku frymëzimin këtë herë e ka marrë nga natyra, në Shqipëri.

Teknikat e përdorura janë të ndryshme, si akriliku, vaji, apo materialet e riciklueshme. Në tablo bien në sy ngjyrat e shumta e të gjalla që përdor artistja.

Qenia femer është e pranishme në pikturat e saj, përkrah natyrës, apo abstraktes.

Stili klasik mbetet i preferuari i saj. Anila Hetoja ka çelur 5 ekspozita personale, ku më e fundit ishte ajo në Gjermani, së bashku me Eda Harapin.