Lajme


“Arkeologët e vegjël” afron brezin e ri me historinë dhe kulturën

Postuar nga admin

20th June 2018

Projekti “Arkeologët e vegjël” afron më shumë brezin e ri me historinë dhe kulturën. Ky projekt organizohet nga Muzeu Historik Kombëtar me fëmijët të moshave 7-11 vjeç.

Sot, në ambientet e muzeut ishin fëmijët e kampit veror të Teatrit Metropol ata që provuan të ishin arkeologë për një ditë në sektorin “Kujtime nga Iliria e Lashtë” .

Fëmijët pasi bënë një vizitë në pavijonin e arkeologjisë dhe u prezantuan me objektet më të veçanta dhe origjinale që ndodhen në muze vijuan me “gërmimet” e tyre për të gjetur objektet e fshehura.

Pasi i zbuluan disa prej fëmijëve pikturuan objektet që kishin gjetur ndërsa të tjerë shprehën përjetimet e tyre rreth këtij aktiviteti.

Aktiviteti u krye nën kujdesin e Sektorit të Programeve Edukative.