Guvernatori i Bankës së Shqipërisë Gent Sejko në një deklaratë për media ka promovuar fushatën për ndryshimin e terminologjisë për vlerën e lekëve.

Ai u shpreh se monedha nuk është as e re dhe as e vjetër, por ajo që është e shkruar në të.

“As i vjetër e as i ri, jam thjesht lek!. Komunikimi i gabuar ndodh më rrallë në institucione. Disa kategori flasin më shumë me ‘lek të vjetër’. Vlera e kartëmonedhës është ajo e shkruar mbi të. Të mos e çojmë këtë mesazh të gabuar te brezi i ri. Ta lëmë pas përgjithmonë terminologjinë e gabuar”, tha Sejko.

Gjithmonë në Shqipëri ka pasur dhe ka një problem në lidhje me termin e lekut në të ri dhe të  vjetër.