Lajme


“Divani Lunxhot”, festivali mes kulturës, trashëgimisë dhe artizanatit.

Postuar nga admin

13th August 2018

Për të katërtin vit radhazi, është mbajtur në krahinën e Lunxhërisë, festivali folklorik “Divani Lunxhot”.

Festivali i folkut dhe i traditës lunxhote mirëpriti 11 grupe dhe orkestrina nga Shqipëria, Greqia dhe Kosova, si dhe një numër këngëtarësh të njohur të muzikës popullore.

Sipas organizatorit të festivalit Koço Vasili, Divani Lunxhot synon të mbajë gjallë traditat lunxhore folklorike. Për këtë arsye, shumë vargje dhe pjesë të harruara polifonike janë rikthyer në këtë festival, duke kontribuar kështu në mbrojtjen dhe ruajtjen e një trashëgimie unikale.

Ata që ndoqën nga afër këtë festival, ku mes tyre ishte edhe ministrja e Kulturës Mirela Kumbaro, patën mundësinë që të shijonin edhe gatimet tradicionale të krahinës së Lunxherisë.

Në Divani Lunxhot nuk mungoi edhe panairi i artizanatit, ku lunxhotët prezantuan vlerat e tyre artizanale.