Showbizz
Dua Lipa nga pushimet në Shqipëri “Nuk dua të largohem kurrë”
![](https://shqipfm.al/wp-content/uploads/2021/08/dua-lipa-me-pushime-ne-shqiperi-a2-cnn-news-lajme-instagram-1.jpg)
Postuar nga admin
2nd August 2021
Dua Lipa duket se po kalon pushimet më të bukura në bregdetin shqiptar. Këngëtarja me famë botërore ka postuar në llogarinë e saj në Isntagram foto dhe story nga qëndrimi në një resort në Ksamil, me të cilin duket se është dashuruar.
“Nuk dua të largohem kurrë”, shkruan Dua Lipa në postimin e saj në Instagram. Ndryshe nga disa ditë më parë ajo e ka shënuar edhe vendndodhjen, duke reaguar pas këshillave nga ndjekësit që i kërkonin t’i tregonte botës se ndodhej pikërisht në Shqipëri.
Ylli i popit erdhi në Shqipëri, për të parë nga afër procesin e ndërtimit të një kopshti për fëmijë. Kopshti po ndërtohet nga Sunny Hill Foundation, një fondacion i krijuar nga Dua i cili përqendrohet te kontributet në Kosovë dhe Shqipëri në aspekte të ndryshme, veçanërisht në art dhe kulturë.