Këngëtarja e njohur shkupjane Adelina Tahiri zyrtarizoi  martesën e saj me avokatin e njohur maqedonas dhe milioner, Seryzha Markov.

Ky i fundit është një personalitet mjaft i njohur në Maqedoni, por për shkak të moshës madhore, u prit me paragjykime nga shqiptarët.

Jo të gjithë e kanë mirëpritur martesën e saj, këtë e tregojnë më së miri edhe komentet e shumta që kanë arritur në adresë të këngëtares.

Adelina kishte publikuar së fundmi një fotografi në llogarinë personale në Instagram, ku shfaqej gjatë nënshkrimit të kurorëzimit, ndërsa në mbishkrimin e fotografisë kishte shkruar “Zyrtarisht e martuar”.

Mirëpo, komentet negative nga fansat pasojnë të shumta, duke dënuar kështu faktin se pse këngëtarja është martuar me një maqedonas.

Ka edhe nga ata që e uruan këngëtaren Tahiri për këtë martesë, por që ishin të paktë.