Showbizz


Irma Libohova tregon këngëtaren që ka pasur rivale në festivale

Postuar nga admin

1st November 2019

Irma Libohova është një prej këngëtareve më të vjetra në tregun e muzikës shqiptare.

E pyetur nga moderatori Ardit Roshi për sa i përket rivalitetit që këngëtarja ka patur me ndonjë këngëtare tjetër gjatë viteve në skenë, këngëtarja ka pohuar se nuk e përcaktonin këngëtarët rivalitetin mes tyre por dëgjuesit.

Libohova ka thënë se gjatë viteve ‘80-të në Festivalin e Këngës konkurrenca e cila ishte e shëndetshme, njerëzit e kishin përcaktuar me këngëtaren e njohur Parashqevi Simakun.

“Pa rivalitet nuk ecën bota përpara, konkurrenca ka qenë edhe atëherë jo në këto nivele kaq të ashpra, kaq të egra, kaq të dukshme. Nëse këngëtarët kanë bërë hite ky është rivaliteti dhe sfida më e madhe dhe mendoj që duhet të kenë pasur pretendim për veten. Nuk e përcaktonim ne rivalitetin ishin njerëzit. Mua shpesh herë , shpesh herë më kanë ardhur fjalë që në familjen tonë për shembull një parti ishte me Parashevinë, një ishte më ty edhe gjithmonë ziheshim në finalet e festivali do ta marrin çmimin Irma, do ta marri çmimin Parashevia. Gjithmonë është mirë të kesh rival sepse ka qenë konkurrencë e shëndetshme. Festivali i madh kishte rëndësi për të gjithë gjerat e tjera. Për çdo aktivitet që vinte më pas festivali ka qenë ai që të jepte shtysë, të jepte drejtim mendoj unë. Pjesëmarrja në festival ishte kulmi ishte fundi”, u shpreh Irma.