Showbizz
Ish-çifti bëhen bashkë vetëm për vajzën
![](https://shqipfm.al/wp-content/uploads/2021/06/robertberishaofficial_202089650_386098556176335_2067370166875496679_n-640x1137-1.jpg)
Postuar nga admin
18th June 2021
Nora Istrefi dhe Robert Berisha, dikur ndër çiftet më të dashur të showbizzit shqiptar, gëzojnë një raport të mirë me njëri-tjetrit për hir të vajzës së tyre, Renee. Ata kanë treguar shpeshherë publikisht mbështetjen dhe respektin që gëzojnë për njëri-tjetrin, pavarësisht ndarjes, që e konfirmuan në 2019-ën.
Ish-çifti është bërë bashkë sot për vogëlushen e tyre, e cila ka përfunduar ciklin e parashkollorit. Ata kanë marrë pjesë në ceremoni, ndërsa kanë ndarë dhe disa momente në rrjete sociale. “Jeta ime, urime përfundimin e parashkollorit! Të dua luleshtrydhja ime.”, shkruan Nora krahas postimit.
Ndërkohë, kujtojmë që pas ndarjes, Nora është treguar shumë e rezervuar përsa i përket jetës personale, ndërsa Roberti është përfolur për një romancë me modelen italiane Maria Bova, por ishte kjo e fundit që hodhi poshtë spekulimet duke thënë se janë thjesht miq.