Ditë më parë u përfol në media dhe portale online se Dua Lipa kishte kërkuar rreth 200 mijë euro për të ardhur në Kosovë për 10 vjetorin e Pavarësisë dhe kjo shkaktoi zemërim tek fansat e saj.

Për herë të parë ka folur rreth kësaj çështjeje babai i këngëtares Dukagjin Lipa, i cili është shprehur se kjo pasaktësi informacioni u ka shkaktuar shumë keqardhje.

Ai theksoi se diskutimet për ardhjen e vajzës së tij në Prishtinë, ishin krejtësisht jo zyrtare. Bisedimet me përfaqësues të shtetit të Kosovës lidheshin me kohën dhe orarin dhe jo mbi paratë.

Babai dhe njëkohësisht menaxheri i këngëtares 22-vjeçare, përfundoi shpjegimin e tij duke shtuar se Dua do të përpiqet të vijë në Kosovë për një koncert, brenda vitit 2018.